Колку се стари моите нови гуми?

Честопати при купување нови пневматици, возачите се прашуваат колку се стари моите нови гуми. Луѓето се во недоумица дали е потребно пред купувањето да се проверува датумот на производство, таканаречената ДОТ ознака. Но, ова не е прашање кое ги мачи само македонските возачи, туку е глобална дилема за која производителите на пневматици години наназад се обидуваат да дадат конкретен одговор и да им обезбедат на купувачите безгрижност при изборот на гуми.

За таа цел, направени се тестирања во реномирани тест центри и ставовите на производителите и организациите се поткрепени со научно докажани факти.

Францускиот производител Michelin креираше медиумска кампања под слоганот “Tires are not bananas” (“Гумите не се банани) за да ги едуцира своите потрошувачи дека животниот век на гумите не започнува од денот на нивното производство, туку од моментот на нивно монтирање на автомобилот. Ова е пред се затоа што гумите претрпуваат најголем стрес додека се користат, а не додека стојат складирани во магацин.


Според претставникот на Michelin, Мајкл Нунаг, биле спроведени три студии во Јужна Кореја, Германија и Саудиска Арабија кои не покажале апсолутно никаква разлика во перформансите помеѓу новопроизведените гуми и оние што не биле користени три години. Тој објаснува дека: "Студијата во Саудиска Арабија покажала дека гумата што се користи на возило една година има еквивалентно стареење на гума складирана 10 години. Во однос на карактеристиките на шарите на гумата, потребни биле 20 години складирање на 40 степени целзиусови за да ги достигнат истите карактеристики како и гумите што се користат на 40.000 километри, што докажува дека гумите стареат побрзо кога се користат отколку кога се чуваат“.  

Јужнокорејската студија, во меѓувреме, се правела врз нови пневматици и три години стари пневматици во серија тестови за голема брзина и засилена брзина. Во Германија пак, биле тестирани новопроизведени гуми и гуми складирани три години, во однос на отпорноста на тркалање и држење на патот. И во двете студии, новата и тригодишната серија пневматици се претставиле потполно идентично.

Слични насоки дава и корпорацијата Goodyear, која акцентот го става на начинот на складирање на гуми, наместо на рокот и годината на производство. Односно, според насоките на Goodyear новите, неупотребувани гуми, исто како и веќе користените гуми, треба да се складираат соодветно во магацини специфично направени за складирање на пневматици во кои гумите ќе бидат заштитени од секакви надворешни влијанија, без допир со влага, светлина, хемикалии и други штетни околности. Во вакви услови, квалитетот на пневматиците се одржува на високо ниво, независно од годината на нивното производство.

Сојузот на Германската индустрија за гуми и Здружението на вулканизери на Германија тврдат дека пневматиците кои се продаваат во малопродажба се сметаат за нови доколку се стари до пет години. Сепак, овие организации не велат дека по истекот на споменатиот период пневматиците не смеат повеќе да се продаваат затоа што гумата е материјал кој што не губи од своите карактеристики така лесно.  

Според Европското здружение на произведувачи на гуми и фелни (European Tyre and Rim Technical Organization ETRTO), конечниот рок во кој гумите мора да бидат продадени не е точно дефиниран, но укажувањето е дека гумите кои се правилно чувани во фабрички или малопродажни магацини ги зачувуваат своите карактеристики долго после датумот на производство.

Мајкл Нунаг од Michelin вели дека оваа заблуда за годината на производство на гумите може да биде и опасна бидејќи потрошувачите имаат тенденција да се фокусираат на тоа наместо да ги одржуваат гумите правилно по инсталацијата. Тие исто така може да изберат погрешни продажни салони засновани на нови примамливи акции наместо квалитетна услуга во сертифицирани сервиси. Значи, наместо да се фокусираат на годината на производство, Нунаг вели дека возачите треба да обрнат внимание на правилна монтажа, одржување на правилен притисок во гумите, правилно порамнување, проверка на оштетувања и мерења на длабочината на шарите.

Пнеуматик располага со специјализирани магацини за чување на нови неупотребувани гуми, како и вонсезонски гуми оставени на чување во хотелот за гуми. Магацините се опремени по најсовремени стандарди без температурни разлики и без никакво влијание на УВ зраци, масла, хемикалии, влага или други штетни влијанија. Според препораките на производителите, Пнеуматик набави специјализирани сталажи од германски производител, посебно дизајнирани за складирање на пневматици на кои гумата се допира на четири идеални точки, посебно утврдени за да гумата не биде натисната или оштетена, со што се зачувуваат нејзините фабрички карактеристики.

Оттука, Пнеуматик обезбедува фабричка гаранција за сите пневматици кои се продаваат во малопродажните салони без разлика на годината на нивното производство, што е доволен доказ за нивниот висок квалитет.


За пневматиците кои се во употреба односно монтирани на возило, без разлика дали се користат сезонски или постојано, производителите препорачуваат гумите постари од 10 години да бидат проверени од специјалист - вулканизер. Гумите трпат многу различни стресови за време на нивниот животен век на возилото. Понекогаш возилото може да не е исправно, или гумата да биде надуена или да има други оштетувања видливи, или невидливи со око. Патни пречки, удари на дупки, поплави, екстремни горештини во текот на летото, сето тоа го остава својот данок врз гумите.